&nb"/> &nb"/>
--------------- ៚---------------
លោក ជួរ ដារ៉ុង បានបញ្ចប់ថ្នាក់អនុបណ្ឌិតផ្នែកនីតិសាការីពីសាកលវិទ្យាល័យទូលូស៍កាពីតូល១ នៃសាធារណរដ្ឋបារាំង។ លោកមានបទពិសោធន៍ការងារក្នុងគម្រោងអភិវឌ្ឍន៍របស់អង្គការមិនមែនរដ្ឋាភិបាលតាំងពីចុងឆ្នាំ២០១៣។ បច្ចុប្បន្នបំរើការងារនៅក្នុងអង្គការមិនមែនរដ្ឋាភិបាល «គ្រួសារថ្មី» ដែលជាអង្គការតែមួយគត់នៅកម្ពុជាធ្វើការងារលើវិស័យអប់រំចំណេះទូទៅដល់កុមារពិការភ្នែក និងកុមារថ្លង់នៅទូទាំងប្រទេសកម្ពុជាមានតំណែងជាជំនួយការអគ្គនាយក។ លោកមានមុខងារជួយសម្របសម្រួលដល់ការងាររបស់គណៈកម្មការប្រតិបត្តិ និងដើរតួនាទីសម្របសម្រួលដល់គម្រោងគាំទ្ររបស់កម្មវិធីអប់រំសុខុមាលភាពកុមារនិងអភិវឌ្ឍវប្បធម៌។ លោកមានបទពិសោធន៍ធ្វើការងារលើកស្នើគម្រោងដល់ និងធ្វើកិច្ចសហប្រតិបត្តិការជាមួយក្រសួងអប់រំយុវជននិងកីឡា នៃព្រះរាជាណាចក្រកម្ពុជា និងដៃគូអភិវឌ្ឍន៍ជាច្រើនរួមមាន ការិយាល័យសហប្រតិបត្តិការនិងសកម្មភាពវប្បធម៌នៃស្ថានទូតបារាំងប្រចាំនៅកម្ពុជាភ្នាក់ងារអភិវឌ្ឍនិងសហប្រតិបត្តិការស្វីសប្រចាំនៅតំបន់មេគង្គ អង្គការយូណេស្កូអង្គការយូនីសេហ្វនិងអង្គការមិនមែនរដ្ឋាភិបាលដទៃជាច្រើនទៀត។ មិនតែប៉ុណ្ណោះលោកក៏ធ្លាប់មានបទពិសោធន៍គ្រប់គ្រងផ្នែករដ្ឋបាល និងសម្របសម្រួលគម្រោងនៃមជ្ឈមណ្ឌលធនធានសោតទស្សន៍បុប្ផាណាផងដែរ។