កម្រងសំណួរ ចម្លើយ (FAQ) អំពីការចូលជាសមាជិកភាពសមាគមសាលាត្រាជូ

ដោយ Sala Traju Admin, 12-07-2023, 03:31 PM , ប្រភេទ : ព័ត៌មានថ្មី

១.​ តើការចូលជាសមាជិកមានអត្តប្រយោជន៍អ្វីខ្លះ?

• ពង្រឹង និង ពង្រីកបណ្តាញផ្សារភ្ជាប់ទំនាក់ទំនងវិជ្ជាជីវៈមួយ ដើម្បីបម្រើដល់ប្រសិទ្ធភាព និងប្រសិទ្ធផលនៃការប្រកបវិជ្ជាជីវៈច្បាប់ និងផ្នែកពាក់ព័ន្ធ  #CareerNetworking
• ជំរុញការបង្កើនឱកាស និងកាលានុវត្តភាពការងារ #CareerGrowth
• ផ្លាស់ប្តូរបទពិសោធ និងចែករំលែកចំណេះ ជំនាញរវាងសមាជិក សមាជិកា ក្នុងបេសកកម្មសមាគម « លើកកម្ពស់ ការស្រាវជ្រាវ បណ្តុះបណ្តាល និងផ្សព្វផ្សាយច្បាប់»
• ទទួលបានអត្ថប្រយោជន៍ផ្សេងៗទៀត ដែលសមាគម នឹងផ្តល់ជូន តាមរយៈកិច្ចសហការជាមួយក្រុមហ៊ុនឯកជន និងដៃគូសហការនានា

២. តើការចូលជាសមាជិកមានប៉ុន្មានប្រភេទ?

ការចូលជាសមាជិកមានពីរប្រភេទគឺសមាជិកគាំទ្រ និងសមាជិកសកម្ម។

• សមាជិកគាំទ្រ ត្រូវបានកំណត់ជាពីរគឺសមាជិកគាំទ្រជានិសិ្សត និងសមាជិកគាំទ្រជាវិជ្ជាជីវៈករ
  • សមាជិកគាំទ្រជានិសិ្សត ជាសមាជិក ដែលកំពុងបន្តការសិក្សា ថ្នាក់បរិញ្ញាបត្រ អនុបណ្ឌិត និងបណ្ឌិត។
  • សមាជិកគាំទ្រជាវិជ្ជាជីវៈករ ជាសមាជិក ដែលកំពុងប្រកបរបរវិជ្ជាជីវៈច្បាប់ ឬផ្នែកពាក់ព័ន្ធ, វិជ្ជាជីវៈសេរី, មន្ត្រីរាជការសាធារណៈ បុគ្គលិកឯកជន,  បុគ្គលិក NGO និងបុគ្គលឯទៀតដែលកំពុងប្រកបរបរវិជ្ជាជីវៈផ្សេងទៀត ទាំងផ្នែករដ្ឋ ឯកជន អង្គការ សង្គមស៊ីវិល។
• សមាជិកសកម្ម

៣.​ ​តើប្រភេទនៃសមាជិកនីមួយៗ ខុសគ្នាដូចម្តេច?

• សមាជិកគាំទ្រ និងសមាជិកសកម្ម គឺមិនមានអ្វីខុសគ្នាច្រើននេះទេ ខុសត្រង់សមាជិកសកម្មត្រូវបានបើកសិទ្ធិឱ្យមានការចូលរួមបោះឆ្នោត។
• សមាជិកសកម្ម របស់សមាគមសាលាត្រាជូ មាន សិទ្ធិ តួនាទី ភារកិច្ច ដូចខាងក្រោម ៖
  - ចូលរួមអនុវត្តគម្រោង បេសកកម្ម ទិសដៅ និងសកម្មភាពការងារនានារបស់សមាគម 
  - អាចទទួលបានឱកាស និងអត្ថប្រយោជន៍ផ្សេងៗ ស្របតាមការកំណត់របស់សមាគម
  - ចូលរួមពិភាក្សា ផ្តល់នូវបទពិសោធ និងលើកជាសំណូមពរនានា ដល់សមាគម
  - មានសិទ្ធិក្នុងការបោះឆ្នោតសម្រេចផ្សេងៗ ស្របតាមការកំណត់របស់គណៈកម្មការប្រតិបត្តិសមាគម 
  - អនុវត្ដសកម្មភាពផ្សេងៗ តាមការកំណត់ដោយគណៈកម្មការប្រតិបត្ដិ
• សមាជិកគាំទ្រ របស់សមាគមសាលាត្រាជូ មាន សិទ្ធិ តួនាទី ភារកិច្ច ដូចខាងក្រោម ៖
  - អាចទទួលបានឱកាស និងអត្ថប្រយោជន៍ផ្សេងៗ ស្របតាមការកំណត់របស់សមាគម
  - អាចចូលរួមពិភាក្សា ផ្តល់នូវបទពិសោធ និងលើកជាសំណូមពរនានាតាមការកំណត់របស់សមាគម
  - អាចចូលរួមអនុវត្ដសកម្មភាពផ្សេងៗ តាមការកំណត់ដោយគណៈកម្មការប្រតិបត្ដិ

៤. តើតម្លៃនៃការចូលជាសមាជិកនីមួយៗ​ ខុសគ្នាដូចម្តេច?

• តម្លៃនៃការចូលជាសមាជិកនីមួយៗគឺមានលក្ខណៈខុសគ្នា សមាជិកគាំទ្រជានិស្សិត ១៥$, សមាជិកគាំទ្រជាវិជ្ជាជីវៈករ ៣០$ និងសមាជិកសកម្ម ៥០$។ រាល់ការចូលជាសមាជិកទាំងអស់ត្រូវបង់ ៥$ ក្នុងការធ្វើប័ណ្ណសមាជិកភាព។

៥. តើការធ្វើប័ណ្ណសមាជិកភាពមានរយៈពេលប៉ុន្មានថ្ងៃ?

• ការធ្វើប័ណ្ណសមាជិកភាពគឺមានរយៈពេល ១សប្តាហ៍។

៦.​ តើត្រូវទៅយកប័ណ្ណសមាជិកភាពនៅទីណា?

• ការមកទទួលប័ណ្ណសមាជិកភាពគឺនៅទីស្នាក់ការសមាគមសាលាត្រាជូផ្ទាល់ តាមរយៈការណាត់ជួបនៅរៀងរាល់ម៉ោងធ្វើការ តាមរយៈលេខទូរស័ព្ទ ០៩៦ ៨១២ ៤៧ ២៣ ។  ទីស្នាក់ការសមាគមសាលាត្រាជូ មានទីតាំងស្ថិតនៅ ជាន់ទី១១ នៃសាកលវិទ្យាល័យភ្នំពេញអន្តរជាតិ (PPIU)។

៧. តើប័ណ្ណសមាជិកភាពមានសុពលភាពរយៈពេលប៉ុន្មានឆ្នាំ?

• ប័ណ្ណសមាជិកភាពមានសុពលភាពរយៈពេល ១ ឆ្នាំ ដោយគិតចាប់ពីថ្ងៃដែលទទួលបានប័ណ្ណ និងត្រូវធ្វើប័ណ្ណសមាជិកថ្មីនៅពេលផុតកំណត់រយៈពេល។

៨.​ តើការបើកចូលជាសមាជិកភាពក្នុងគោលបំណងអ្វី?

• គឺដើម្បីបើកឱកាសកាន់តែទូលាយមួយកម្រិតទៀតជូនដល់និស្សិត អ្នកប្រកបវិជ្ជាជីវៈ អ្នកស្រាវជ្រាវ
  ប្រិយមិត្ដ និងសាធារណជនទាំងអស់ ដែលមានបំណងចង់ក្លាយជាសមាជិករបស់សមាគម ព្រមជាមួយនឹងការទទួលបានឱកាស និងអត្ថប្រយោជន៍ជាច្រើនទៀតដែលសមាគមនឹងផ្ដល់ជូន។

៩. តើត្រូវធ្វើដូចម្តេចដើម្បីចូលជាសមាជិកភាព?

• ដើម្បីអាចចូលជាសមាជិកបាន សាធារណជនអាចចូលទៅកាន់គហទំព័រផ្លូវការរបស់សមាគមទាំងពីរ (Facebook និង Telegram) ដើម្បីទទួលបានព័ត៌មាន និងទាញយកពាក្យសុំចូលជាសមាជិក ឬចុះឈ្មោះតាមតំណលីង Google Forms ដែលបានដាក់ជូន។ សាធារណជន ក៏អាចទាក់ទងទៅលេខទូរស័ព្ទដែលមាននៅក្នុងតំណលីង Google Forms។ 
  ចូលបំពេញនៅទីនេះ

១០. តើការបងវិភាគទានតាមរបៀបណា?

• ក្នុងការបង់វិភាគទាន អាចបង់តាមរយៈគណនីធនាគារ (ABA) របស់សមាគមដែលមានឈ្មោះ
  YOU SOBEN តាមរយៈ (QR SCAN និង មានលេខ 006279524) និងតាមរយៈថវិកាខាងក្រៅ (Cash)។

១១.​ តើការចូលជាសមាជិក តម្រូវត្រូវមានឯកសារអ្វីខ្លះ?

• តម្រូវឱ្យបំពេញពាក្យតាមរយៈ (Google Forms និងតាម PDF) ចូលបំពេញនៅទីនេះ ភ្ជាប់មកជាមួយអត្តសញ្ញាណបណ្ណចំនួនថតចម្លង ១ច្បាប់ ។ សម្រាប់សមាជិកគាំទ្រជានិស្សិត ត្រូវភ្ជាប់មកជាមួយនូវប័ណ្ណនិសិ្សត ឬលិខិតបញ្ជាក់ការសិក្សាដែលមានសុពលភាព។

១២.​ តើពេលចូលជាសមាជិកហើយ អាចប្តូរចូលជាសមាជិកផ្សេងបានដែរឬទេ?

• អាចប្តូរទៅជាសមាជិកផ្សេងបាន នៅពេលផុតកាលកំណត់សុពលភាពរយៈពេល ១ឆ្នាំ នៃប័ណ្ណ
  សមាជិកភាព។