វាក្យស័ព្ទច្បាប់

ពាក្យស្វែងរកច្រើនជាងគេ

តម្រូវការយេនឌ័រ

Eng. Gender Need

បែងចែកជាពីរ គឺតម្រូវការយេនឌ័រចំពោះមុខ និងតម្រូវការយេនឌ័រជាយុទ្ធ​សាស្រ្ត។

• តម្រូវការយេនឌ័រចំពោះមុខ សំដៅលើតម្រូវការ ឫសេចក្ដីត្រូវការរបស់បុរស និងស្ត្រីសម្រាប់បំពេញនូវ ជីវភាពប្រចាំថ្ងៃ។

• តម្រូវការយេនឌ័រជាយុទ្ធសាស្រ្ត សំដៅលើធនធាន សម្ភារៈ ឧបករណ៍ សេវាកម្ម ឫសកម្មភាពនានា ដែលអាចជួយពង្រឹងឱកាស បង្កើនការចូលរួម ឫគ្រប់គ្រងតួនាទីយេនឌ័ររបស់បុរស និងស្រ្តី និងការងារ។ នៅពេលដែលតម្រូវការទាំងនោះត្រូវបានបំពេញ អំណាចនៃទំនាក់ទំនងរវាងបុរសនិងស្រ្តី និងការបែងចែក ការងារតាមយេនឌ័រពិតជាអាចកែប្រែបានច្រើន ហើយអាចជួយរួមចំណែកលើកកម្ពស់សមភាពយេនឌ័រ ថែមទៀតផង។ តម្រូវការយេនឌ័រជាយុទ្ធសាស្រ្ត​ អាចប្រើប្រាស់រយៈពេលយូរជាង​ធម្មតា ហើយមើលមិនសូវឃើញជារូបរាងច្បាស់លាស់ទេ ដូចជាការផ្តល់នូវឪកាសទទួលបានតំណែងក្នុងឆាកនយោបាយ តំណែងក្នុងថ្នាក់ធ្វើសេចក្តីសម្រេច  ការលុបបំបាត់ឧបសគ្គផ្លូវច្បាប់ ក៏ដូចជាការរើសអើននៃសិទ្ធិកាន់កាប់ដីធ្លី ឬឥណទានជាដើម។

ដោយសារទំនាក់ទំនង តួនាទី និងសិទ្ធិអំណាច ដែលសង្គម សហគមន៍ និងគ្រូសារបានផ្តល់ដល់ ស្រ្តី បុរស​មានលក្ខណៈខុសគ្នា ដូចនេះសេចក្តីត្រូវការរបស់ពួកគេក៏មានលក្ខណៈខុសគ្នាទៅតាមនោះដែរ។ ដូច្នេះ វាមានសារៈសំខាន់ណាស់ក្នុងការយល់ដឹង និងវិភាគបែងចែកឱ្យបានច្បាស់ពីតម្រូវការទាំងនោះ ដើម្បីធ្វើឱ្យកម្មវិធី កម្រោង និងផែនការអភិវឌ្ឍន៍នានា បានឆ្លើយតបទៅនឹងតម្រូវការពិតប្រាកដរបស់ស្រ្តីនិងបុរសនៅក្នុងសហគមន៍ និងមូលដ្ឋាន។

ដកស្រង់ចេញពី កម្មវិធីជាតិ សម្រាប់ការអភិវឌ្ឍតាមបែបប្រជាធិបេតយ្យនៅថ្នាក់ក្រោមជាតិ ២០១០-២០១៩ នាថ្ងៃទី២៨ ខែឧសភា ឆ្នាំ២០១០។